Larunbatean talde eder batek erantzun zion Irurtzundik Donostiara Plazaolako bide zaharretik joateko deialdiari. Goizeko 8:30ean bildu ziren Irurtzungo Foru Plazan, bideari ekiteko. “11:00ak aldera Leitzako geltokian geunden. Han, hamaiketakoa egin eta Andoaineraino jarraitu genuen. Ondoren Urnieta, Hernani, Galarreta eta Añorgara iritsi ginen, eta bide gorri bat hartuta, Donostiaraino. 13:15ean Ondarreta hondartzan geunden, bainua hartu, bazkaldu eta lineako autobusez bueltatu ginen. 20:00ak inguruan Irurtzuneraino iritsi ginen. Txango ederra izan zen, ziur aski errepikatuko duguna” adierazi digu Mikel Goldarazena irurtzundarrak. Aisialdiari begira, aukera ederra eskaintzen du Plazaola bideak.
Txango bikaina burutu zuten irurtzundar batzuek Plazaolako bidea probestuz