Arropa, liburu, jostailu, disko, elektra tresna eta abarrei bigarren aukera bat eman zien Itxipuru taldeak igandean. Bigarren eskuko azokan eskuragarri jarri zituen eta makina bat sakandar izan ziren Biaizpe pilotalekutik mauka bila pasa zirenak. 1.500 euro inguru eskuratu zituen Itxipuruk Senegalgo Sally-Velingara herriko mediku kontsultategi-amaetxea konpontzeko. Itxipuruk, ohikoa duenez, lagunduko duen proiektuaren aldeko elkartasun afaria ere antolatuko du. Abenduaren 5ean izanen da, Pikuxarren. Izen ematea asteburuan zabalduko da.