Aste bat atzeratu du gabonetako kontzertua Irurtzungo abesbatzak. Iganderako aurreikusia zegoen emanaldia hilaren 27ra, larunbatera atzeratu da. 19:30ean izanen da, elizan. Fermin Idareta Goldarazena zuzendariak jakinarazi digunez, abesbatzarekin batera aritzekoa zen sopranoa asteburuko emanaldi baten ondoren ahotsik gabe gelditu da. Hura sendatzeko emanaldia atzeratzea erabaki du Irurtzungo abesbatzak.