Kirola, ikuskizuna, dibertsioa... ongi pasatzeko hamaika ekitaldi antolatu du Irurtzungo Kultur Kontseiluak asteburu honetarako Trinitateko festen aitzakian. Ergako Trinitatera bi egunetan igotzeko aukera izanen da: larunbatean erlojupeko igoeran eta igandean erromerian. Aizpea Euskara taldearen eskutik euskaraz kirola eginez dibertitzeko aukera izanen da larunbat eguerdian. Larunbat arratsaldean, berriz, herriko taldeen artean prestatuko ikuskizunaz gozatzeko aukera izanen da 19:30ean kiroldegian.
Maiatzak 30, larunbata
10:00etan II. Elojupeko igoera Ergako Trinitatera. Irteera: Foruen Plazako askatik. Ordu erdi lehenago izen ematea. Guan Taldea.
12:00etatik 14:00etara Kirolak Euskaraz: spinning, kirol entramendua, zirko eta eskalada. Foru plazan. Aizpea euskaltzaleen topagunea.
17:00etan Irurtzungo XXIII. Pilota Txapelketaren finalak.
19:30ean Bi haitz pean jaialdia kiroldegian, sarrera doan.
23:00etan Kontzertuak, Larrazpin: Ahuntzape, Jaramonik Ez eta Eskozor.
Maiatzak 31, igandea
Erromeria Ergako Trinitatera.
11:00etan meza.
17:30etik 20:00etara Ludobus: denontzako jokoak Foru Plazan.