Guztira 12 bikote ari dira lehiatzen Iratxo elkarteak antolatutako Binakako Botxa Txapelketan. Jakina denez, botxa petanka antzeko jokoa da, Irurtzunen jarraitzaile handiak dituenak. A eta B taldetan banatuta, orain arte ligaxka jokatu dute eta egunotan txapelketaren azken txanpan murgildu dira botxalariak.
Gaur eta bihar final laurdenak jokatuko dira, ostiralean final aurrekoak eta larunbatean finalak, 19:30etik aurrera. Ondoren sari banaketa izanen da.