Ihote ospakizunak, ohi denez, Atakondoa eskola publikoko ikasleen mozorro festarekin hasiko dira gaur goizean. Arratsaldean, berriz, herri-inauteriaren txanda izanen da eta joaldunak, mitologia pertsonaiak eta bestelakoak kaleratuko dira. Ihote-parrandak biharko hiri-inauteriarekin segituko du. Bazkaldu eta gero, mozorroz beteko da Irurtzun.
Egitaraua
Otsailak 24, ostirala
10:15ean Mozorroen desfilea, hamaiketakoa, kalejira Irurtzunen barna eta Marigorriren erretzea Atakondoa eskolan.
18:00etan Herri-inauteria, plazatik. Irurtzungo Joaldun handi eta txikiak eta Iskidiko mitologia pertsonaiak. Miel Otxinen erretzea. Txistorra-jatea, Barazkigunean. Triki-poteoa eta otamena Larrazpin.
23:00etan Larrazpin kontzertuak: Herdoil, Nafarroa 1512 eta Shok Down.
Otsailak 25, larunbata
13:30ean Kalejira Sakaranga txarangarekin.
14:15ean Bazkaria jubilatuen elkartean.
14:30ean Inauteriko herri bazkaria, eskoletako jantokian.
17:00etan Inauteriko herri kalejira, txarangarekin, eskolatik.
18:00etan Mozorrotutako pertsonen eta koadrilen kontzentrazioa, plazan.
18:30ean Inauteri desfile eta argazkia, Foru plazan.
19:30ean Musika eta txistorra-jatea, Foru plazan.
22:00etan Larrazpitek.
Otsailak 26, igandea
18:00etan Zinema: Peter y el dragón.
