Foruzaingoak jakinarazi duenez, motorra gidatzen zuen 19 urteko gizonezko irurtzundarrak ezbeharra izan eta hil egin da. Istripua Berriobeititik Ezkaba mendira igotzen den errepideko 5,9. km-an gertatu da. Antza, Artikarantz zihoala motorra bidetik atera eta ezpondaren kontra jo du. SOS Nafarroak 06:46ean jaso du hildako bat zegoenaren gaztigua; beraz, litekeena da ezbeharra atzo gauean jazo izana. Istripua Foruzaingoak ikertu du. Trafiko ezbeharrean aurten hildako aurreneko sakandarra da gaztea. Joan den urtean hiru sakandar hil ziren ibilgailu istripuetan.
