Atzo, Orkoienen, Nafarroako Kopako finalerdia jokatu zuten Osasuna Magnak eta Kirol Sportek. Berdeek garaipen erraza lortu zuten eta Eseverrik, Xabi Otxotorenak, Dani Saldisek eta Roberto Martilek lehen zatian sartutako 4 golei esker bideratu zuten garaipena. Bigarren zatian Alex Llamasek beste bi gol sartu zituen eta, azkenean, 1 eta 6 irabazita, Nafarroako Kopako finala jokatuko du Osasuna Magnak.
Beste finalerdian, Aspil Vidal Ribera de Navarrak 1 eta 4 hartu zuen menpean San Juan. Hortaz, irailaren 8an jokatuko den Nafarroako Kopako final handian Osasuna Magnak eta Aspil Vidal Ribera de Navarrak jokatuko dute.
Osasuna Magnak Aspil Vidal Ribera izango du aurkari Nafarroako Kopan
Finalerdian 1 eta 6 irabazi zion Kirol Sporti