Nafarroako Futbol Federazioak antolatutako Nafarroako Kopako final handia jokatuko dute gaur Osasuna Magnak eta Aspil Vidal Ribera de Navarrak. Partida Erriberriko kiroldegian jokatuko da, 20:00etan. Aurreko urtean ere bi taldeek jokatu zuten kopako finala.
Finalerdietan San Juan bidean utzi zuen Aspil Vidal Ribera de Navarrak (1 eta 4). Bere aldetik, Osasuna Magnak 1 eta 6 irabazi zion Kirol Sporti. Gaur final handia jokatuko dute garaileek; ea Osasuna Magnak Nafarroako Kopa jasotzea lortzen duen, aurreko urtean bezala.
Bestalde, asteburuan jokatutako lagunarteko partidei dagokienez, Sabadellen kontra 1 eta 2 irabazi zuen Osasuna Magnak. Eric Martelek sartu zituen berdeen bi golak. Santa Colomatik, aldiz, punturik gabe etorri ziren Imanol Arregiren mutilak, Catgas Energia Santa Colomak 8 eta 4 hartu baitzuen menpean Osasuna Magna. Dani Saldisek hat tricka sartu zuen (3 gol), eta Rafa Usinek beste gol bat, baina ez ziren nahikoak izan Catgas Energiak sartutako zortzirak berdintzeko.
Nafarroako Kopako finalean Osasuna Magnak Aspil Vidal Ribera izango dute aurkari
Gaur, ostiralean, 20:00etan, Erriberrin