Euskadiko Errefuxiatuei Laguntzeko Batzordean, CEAR-Euskadi, partaidetza sozialeko taldea dute. Han sortu zen Caminamos para crecer kulturarteko antzerki taldea 2015ean. CEARren zerbitzuak erabiltzen dituzten pertsona errefuxiatuak eta batzordeko boluntarioek bat egin zuten antzerki taldean. Euren iritziz “jendarte inklusiboa eta solidarioa eraikitzeko funtsezkoa da pertsonalki haztea”. Eta horretarako antzerkia tresna gisa aukeratu zuten, “gure potentzialari bulkada eman, erabateko askatasunez adierazten uzten ez diguten gure blokeoak, beldurrak, lotsak eta bestelakoak opatu eta lantzeko. Urte beteko lana eta entsegu gogorren ondoren, 2016ko garagarrilean, La zanja antzezlana aurkeztu zuten Bilbon, “hunkitu eta zirrara sortzeko asmoz”.
Mariak eta Ousmannek bikote bitxia osatzen dute. Maria, agian, pixka bat desorekatua dago. Ousmanne, seguruenik, etsia. Biek Gau Itzarriaren sakonean murgilduko gaituzte, errealitateen, esperientzien, testigantzen telebista saioan hain zuzen ere. Pertsona errealekin eta beraien istorio errealekin bidaia egingo dugu. Egiaz betetako pertsonak, euren egiak kontatuko dizkigutenak. Mundua deseroso egon arazten duen egia.
Fitxa
Zuzendaria: Fore
Aktoreak: Diakaridia Diabate, Eduardo Calvo, Estefania Pasarin, Youssef En Nouary, Veronica Paniagua, Abdoul Salam, Mahamadou Sow, Abdesslam Sabiri, Martxa Marroquin eta Silvia Fernandez.
CEAR-Euskadiko erabiltzaileek eta boluntarioek La zanja antzezlana jokatuko dute igandean, 19:00etan, Irurtzungo kultur etxean