Iritsi da Irurtzunek antzerkiarekin duen zita. Urtero bezala Antzerki Zikloa antolatu dute urriko ostiraletarako. Hiru antzezlan izanen dira herriko kultur etxean antzerkiaren genero nagusiak landuko dituztenak. Gainera, haietako bat euskaraz izanen da. Argentinatik dator lehenengo ikuskizuna. Gaur, 21:00etan, izanen da lehenengo emanaldia: Sutottos konpainiaren Inestable antzezlana.
Gaizki itxitako atea edo horman hezetasunaren ondorioz sortutako orbanak dira abiapuntua. Edozeir gauzak sortu dezake Leon eta Cesar pertsonaien paranoia. Beldurra oinarri hartzen du Inestable lanak. Beldurra haren aldagai guztietan: paranoiak, fobiak, antsietatea, obsesioak... Antzezlanak gogo-aldarte segida bat da erreala eta irreala zer den planteatzera eramaten duena.
Leon eta Cesar pertsona normalak dira, baina fobia asko dituzte eta ezin dituzte izkutatu. Haiek gaizki pasatzen dute eta, ondorioz, ikus-entzuleak farrez lehertzen dira. Komedia dramatikoa da Sutottos konpainia argentinarrak aurkezten duena. Umorea, clown-a eta xumetasuna dira konpainia honen zigilia.
Ikuskizunak Buenos Airesko Arte Gaztearen Bienalaren Ikuskizun Hoberenaren saria jaso zuen 2017an.
Inestables, Sutottos. Egileak eta zuzendariak: Andres Caminos y Gadiel Sztryk Zuzendaritza laguntzaileak: Manuela Bottale y Marianela Faccioli Eszenografia eta argiztapena: Fernando Dopazo Jantzitegia: Analia Cristina Morales Argazkilaritza: Pablo Linietsky Ekoizpena: Bienal de Arte Joven de Buenos Aires y Sutottos |
Antzerki zikloa
Irurtzungo Antzerki Zikloak hurrengo ostiralean izanen du segida, urriaren 19an. Komedia izanen da nagusi: Tdiferencia konpainiaren Salir de cuentas a los cincuenta antzezlanaren emanaldia izanen da. Zikloa urriaren 26an amaituko da Ez dok hiru 'Akustikoa' ikuskizunaren emanaldiarekin. Musira eta antzerkia uztartzen ditu.
Egitaraua Urriak 12, ostirala 21:00. Inestable. Sutottos konpainia Urriak 19, ostirala 21:00. Salir de cuentas a los 50. Tdiferencia Urriak 26, ostirala 21:00. Ez dok hiru 'akustikoa'. Tartean teatroa |