Etzi, igandea, 19:00etan, hasiko da Irurtzungo antzerki zikloa Rita euskarazko antzezlanarekin. Datorren ostiralean, urriaren 18an, Esto no me lo esperaba antzezlana izanen da, eta zikloarekin amaitzeko, urriaren 25ean, ostirala, 20:30ean, Improvisa tio izanen da. Zikloaren antzezlan bakoitzaren prezioa 6 eurokoa da.
Aitziber Garmendi eta Joseba Apaolaza aktoreak dira Rita antzezlanaren protagonistak. Apaolaza Frank da, unibertsitateko literatura irakaslea, eta Garmendia Rita da, ile-apaintzailea den ikasle berria. Bi mundu guztiz desberdinak. Rita etzi, igandea, 19:00etan, izanen da Irurtzungo kultur etxean. Euskarazko emanaldia izanen da.
Mexikoko iraultzan oinarritzen da Esto no me lo esperaba urriaren 18an, ostiralean, 20:30ean, Irurtzungo kultur etxean egonen den antzezlana. Irurtzungo antzerki zikloarekin amaitzeko, Yllana konpainia ospetsuaren Improclan taldearen Improvisa tio ikuskizuna izanen da, urriaren 25ean, 20:30ean.
Hiru antzezlan eskainiko dira urrian: 'Rita', euskaraz; 'Esto no me lo esperaba' eta 'Improvisa tio'