Euskararen ezagutza irurtzundarren artean sustatu asmoz, 2018-2019 ikasturtean euskara ikasi zuten herritarrei zuzendutako dirulaguntza deialdia egin du Irurtzungo Udalak. Jakinarazi duenez ikastaro mota guztiak lagunduko ditu udalak: estentsiboak, trinkoak, barnetegiak, autoikaskuntza, baita euskarazko udako unibertsitate ikastaroak ere. 16 urtetik gorako irurtzundarrek aurkeztu ditzakete euren eskaerak udaletxean. Horretarako, eskabidearekin batera, honako dokumentazioa da beharrezkoa: nortasun agiriaren kopia, ikastaroari buruzko azalpen guztiak ematen dituen ikastaro antolatzaileak izenpetutako agiria, matrikularen ordainagiria, euskaltegiaren asistentzia-agiria eta langabetuen kasuan Gizarte Segurantzak emandako lan bizitza izeneko agiria.
Udalak euskara ikasleendako dirulaguntzen deialdia egin du
2019ko aza. 22a, 10:51
Aurreko ikasturtean euskara ikasi zuten 16 urtetik gorako irurtzundarrek hilaren 30era arte egin ditzakete eskaerak udaletxean.