COVID-19 birusaren agerpenetik Nafarroan jokatu den pilota txapelketa bakarra da 28. Irurtzun Pilota Txapelketa. Uztailean hasi zen eta bihar, larunbata, final handiak jokatuko dira Irurtzungo Biaizpe pilotalekuan. Promesen mailan 12 bikote lehiatu dira eta senior mailan 9 bikote, eta onenak sailkatu dira biharko finalerako. Orain arte jende dezente hurbildu da finaletara, beharrezko segurtasun neurriak hartuta, eta bihar ere hala izatea espero du Irurtzun Pilota Klubeko presidente Miguel Beraza Loidik. Final estu eta lehiatuak aurreikusten dira, puntakoak.
28. Irurtzun Pilota Txapelketako finalak
Larunbatean, irailak 12, 17:00etan, Biaizpe pilotalekuan
Promesak: Iriarte (Larraun)-Lizarraga (Irurtzun) / Bustince (Irurtzun)-Azpiroz (Irurtzun)
Seniorrak, 3. eta 4. postuak: Ollo (Irurtzun)-Aldabe (Oberena) / Olaetxea (Irurtzun)-Bergera (Irurtzun)
Seniorrak, finala: Espinal (Uharte)-Arbizu (Irurtzun) / Retegi (Irurtzun)-Azanza (Irurtzun)