Binakako Harri-jasotze Txapelketan lehian sartuko da Jon Irañeta igandean. Urdax Magunazelaiarekin batera bikotea osatuko du irurtzundarrak. Lau harrirekin lan eginen du bikoteak: 175 kiloko laukiluzea, 138 kiloko kubikoa, 100 kiloko zilindro zarra eta 100 kiloko harri borobila. Harri-jasotzaile bakoitza bi harrirekin ariko da, bi minututan ahalik eta jasoaldi gehien emateko. Bikoteak ahalik eta kilo gehien jaso beharko ditu lehiaketan aurrera egin nahi badu.