Asteburuan Nafarroako Banakako Pilota Txapelketako senior mailako finalak jokatu dira. Lehen mailako finala Irurtzun klubeko Anartz Olano aresoarrak eta Oberenako Iosu Iruritak jokatu zuten. Partida borrokatuan, Iosu Iruritak aurrea hartu zuen eta abantaila handia hartu zion Irurtzun klubeko pilotariari, eta, azkenean, 18 eta 7 gailendu zen. Nolanahi ere, Anartz Olano txapeldunordea da merituzko lana egin eta gero.