Areto futbola

Xotak garaipen garrantzitsua lortu zuen Mutilberaren kontra

Maider Betelu Ganboa 2021ko mar. 31a, 10:32
Xotako bi taldeen arteko derbia jokatuko da ostegunean Irurtzunen.

Emakumezkoen Senior Maila. 2. multzoa. 7. jardunaldia: Xota 1 – Mutilbera 0  / Gazte Berriak 5 - Xota B 0

Asteburuan Emakumezkoen Senior Mailako Areto Futbol Txapelketako 7. jardunaldia jokatu zen eta Irurtzungo Xota talde nagusiarendako jardunaldi ona izan zen, Atakondoan jokatutako partidan Xotak 1 eta 0 irabazi baitzion Mutilberari, Irune Goikoak sartutako golari esker. Aldiz, Xota B taldeak garaipena zer den ezagutu gabe jarraitzen du oraindik, Gazte Berriak taldearen kontra 5 eta 0 galdu baitzuen Antsoainen. 

Ostegunean derbia
Orvinak jarraitzen du lider (15 puntu), Xota nagusia 4. postuan dago (8 puntu) eta Xota B 6. postuan, azkenean, punturik gabe. Egunotan 8. jardunaldia jokatuko da. Xota talde nagusiak eta Xota B filialak derbia jokatuko dute ostegunean 12:30ean Atakondoan jokatuko den partidan.