Martxan da Irurtzun Pilota klubak antolatutako 39. Irurtzungo Pilota Txapelketa, eta hain zuzen ere asteburu honetan jardunaldi bikoitza jokatuko da. Gaur, ostirala, Labritek hartuko du asteburuko lehen jaialdia, 17:30etik aurrera. Emakumezkoetan 4 emakume ari dira lehiatzen eta jardunaldi honetan,Aldaregiak eta Olatz Ruiz de Larramendik Mendiburu eta Salsamendi izango dituzte aurkari. Gizonezkoetan 12 bikote lehiatzen ari dira, 4 multzotan banatuta, eta Labriteko jaialdian bi partida jokatuko dira: Matak eta Azanzak Antso eta Gil izanen dituzte aurkari eta Armendarizek eta Cordonek Laso eta Garatea.
Larunbatean goizeko 11:15ean hasiko da Irurtzunen jokatuko den 39. Irurtzungo Pilota Txapelketako jardunaldia. Olaetxeak eta Aldabek Ongayren eta Apezetxearen kontra jokatuko dute eta Elizaldek eta Bergerak Iriarteren eta Alduntzinen kontra.