2020/2021 denboraldi madarikatua despeditu du Osasuna Magna Xotak, etxeko lanak eginak. Ostegunean Inter Movistarren kontra atzeratutako partida jokatu zuten berdeek, eta 3 eta 1 irabazi zuten, 1. mailari eustea ahalbideratu zien garaipena. Atzo ligako azken partida jokatu zuten Katalunian, eta Santa Colomak 5 eta 1 irabazi zion talde berdeari.
El Pozo Murcia izan da ligako lehena (68 puntu), eta Osasuna Magna Xota 12. postuan sailkatu da (40 puntu), ligako titulua erabakiko den play-off postuetatik kanpo. Hortaz, aurtengo lanak despedituta, eta 1. mailari eutsita, atseden hartu eta datorren denboraldirako berrindartuta itzultzeko garaia iritsi zaio talde irurtzundarrari.