Martxoaren 8an jokatu zen Osasuna Magna Xota eta Inter Movistar taldeen arteko Lehen mailako partida erabakigarria –0 eta 1 galdu zuen talde berdeak– eta partida garrantzitsu horren atsedenaldian Xota klubak eta Lacturale babesleak omenaldia egin nahi izan zieten klubeko emakumezkoen taldeetan lehiatzen diren areto futbol jokalari guztiei. Horrela, partidaren atsedenaldian haurren, kadeteen, jubenilen eta seniorren mailako jokalari batzuk Anaitasuna pabilioko kantxara atera ziren eta zaleen aitortza eta txalo zaparrada jaso zuten.