Udako solstizioaren festa ospatuko dute Irurtzunen

Irurtzungo San Juan gaua. ARTXIBOA

Joaldunak, pertsonaiak eta abar aterako dira ekainaren 23an, osteguna, San Juan gauean, Irurtzunen

Udako solstizioa edo San Juan gau magikoa ospatzeko Irurtzunen sorginak, joaldunak eta Iskidiko pertsonaiak aterako dira, eta suak eginen dituzte Foru plazan. Udari ongi etorria emateko ospakizuna 21:00etan hasiko da, afariarekin. Afaria bitartean musika egonen da. 22:30an Akelarrea eginen dute eta sua piztuko dute. Ospakizuna Aizpea Euskara Taldeak antolatu du, eta taldetik sorginez janzteko deia egin dute.