Espainiako 19 urtez azpiko areto futbol selekzioarekin aritu da egunotan Ion Cerviño Pueyo Osasuna Magna Xotako jokalaria. Selekzioarekin Kroazian jokatutako nazioarteko torneo batean hartu du parte. Espainiako selekzioa finalerako sailkatu zen eta Japoniaren kontrako finalean, 6 eta 2 gailendu zen. Ion Cerviñok sartu zuen Espainiako selekzioaren azken gola. Orain merezitako atsedena hartuko du irurtzundarrak.