Pikubestrearen seigarren edizioa jokatuko dute aurten Irurtzungo korrikalariek. Abenduaren 31n, larunbata, Lizarra kaletik, Pikuxar elkartearen paretik, abiatuko da, 16:30etik aurrera. Haurrak izanen dira lehenengoak, eta hiru taldetan ariko dira: 6 urtera artekoak, 7 eta 11 urte artekoak eta 12 eta 15 urte artekoak. 17:00etan helduen proba hasiko da, 16 rutetik gorakoak; ibilbideak 4,2 kilometroko luzera izanen du. Izena ematea zabalik dago eta online egin behar da. Haurrek ez dute ordaindu behar eta helduek 2 euro ordaindu beharko dituzte.