Emakumezkoen Lehen Senior Mailako Txapelketako lehen fasea despeditu berri, Senior Mailako Kopari ekin diote taldeek. Asteburuan Kopako lehen jardunaldia jokatu zen eta Xotak Mendialdea B taldea hartu zuen Irurtzunen. Sakandarrek nagusitasun handia erakutsi zuten hasieratik eta Mendialdekoei ez zieten aukera txikiena ere eman. Eider Goikoak (3), Iranzu Zarranzek eta Irune Goikoak lortutako golei esker, 5 eta 0 gailendu zen Xota eta sailkapenaren buruan jarri dira. Marsuaren 25ean, larunbata, Xotak Ezkaba taldea izango du aurkari Ezkaba kiroldegian 17:00etan hasiko den partidan.