Pikuxar euskal txokoak antolatutako Aixita Bertso Sariketaren hirugarren edizioa jokatu zen maiatzaren 6an, larunbatean, Irurtzungo kultur etxean. Aitor Etxebarriazarraga, Amaia Iturriotz, Maddi Sarasua, Peru Abarrategi, Egoitz Gorosterrazu eta Sari Robles bertsolariak aritu ziren Zigor Gartzia Zian gai jartzaileari erantzunez. Amaia Iturriotzek jarri zuen Aixitaren hirugarren txapela.
Ofizio "ederrak" entzun ziren eta umorea ez zela falta esan dute antolakuntzatik. Kanporaketa jokatu ondoren, buruz burukora Amaia Iturriotz eta Sara Robles pasatu ziren. Ganbarako lanean "Abiatu zara eta ez dakizu nora" gaiari hiruna bertso kantatu zizkioten eta txapela Iturriotzek eraman zuen. Saria azken zortzi urteetan herriko alkate izan den Aitor Larraza Karrerak eman zion.