Urriko lehen asteburuan II. Primer Toque Areto Futbol Torneoa jokatu zen Errioxan, Camino Cienta FSF taldeak antolatutakoa. Makina bat taldek parte hartu zuten, tartean Xotak, Tudelano Riberak, Ibarartek eta San Juanek, Nafarroatik, eta Errioxako klub askok.
Hasierako ligaxkan sailkatu eta gero, final laurdenetan Xotak bi eta bat irabazi zion San Juani, eta finalerdietan lau eta bat hartu zuen mendean Ibararte. Final handia Alfaroko Gracurris taldearen kontra jokatu zuten berdeek, eta bana berdindu eta gero, penaltiek erabaki zuten. Alfaroko taldea gailendu zen, eta txapeldunordea, meritu handiz, Xota izan zen.