Emakumezkoen Lehen Senior Mailan bigarren jardunaldia jokatu zen. Xotak Lacturale Orvina B taldea hartu zuen Atakondoan, eta partida gogor eta borrokatuan hiru puntuak etxean geratzea lortu zuten irurtzundarrek.
Gauzak ez ziren ongi hasi Xotarendako, lehen zatian Orvina 0 eta 2 aurreratu baitzen. Hala ere, Xotako neskek ez zuten etsi eta bigarren zatian partidari buelta eman zioten, eta 3 eta 2 irabazita, denboraldiko lehen 3 puntuak lortu zituzten.
Sailkapenean Promesas taldea da liderra (6 puntu), eta Xota laugarren postura igo da (3 puntu). Urriaren 21ean, larunbata, 16:00etan, Xotak Txantrearen kontra jokatuko du, Iruñean.