Erabiltzen ez diren eta inoiz gehiago erabiliko ez diren gauza horiek guztiak biziberritzeko aukera paregabea eskainiko du Pikuxarrek Sakanako Mankomunitatearekin batera urriaren 28an, larunbata, 10:00etatik aurrera antolatu duen Bigarren eskuko Piku azokan. Bitartean, Pikuxar elkartean, Berrerabiltzearen artea tailerra izanen da; erabiltzen ez den arropa eraman eta bigaren aukera bat emanen zaie konponduz eta eraldatuz.