Emakumezkoen Lehen Senior Mailan Irurtzungo Xota taldeak Ezkaba kiroldegian jokatu zuen sailkapenean azkena den Lacturale Orvina B taldearen kontra. Hasieran bi taldeek lehia estua izan zuten. Seigarren minutuan Orvina aurreratu zen, baina berehala bana berdindu zuen Xotak. Hortik aurrera, ordea, Orvinak aginte makila hartu zuen eta, azkenean, 4 eta 1 irabazi zion Xotari.
Promesas EDF taldeak jarraitzen du Lehen Senior Mailako lider (28 puntu). Xota bosgarren postuan dago (13 puntu). Abenduaren 21ean, igandea, 12:30ean Xotak sailkapenean laugarren eta arerio zuzena duen Txantrea taldea hartuko du Irurtzungo Atakondoa kiroldegian, 12:30ean.