Asteburuan Emakumezkoen Senior Mailako Kopako bigarren jardunaldia jokatu zen. Irurtzungo Xotak Lacturale Orvina B taldearekin jokatu beharra zuen, baina bi taldeek partida apirilaren 17ra, asteazkena, atzeratzea erabaki zuten. Lehia Ezkaba kiroldegian jokatuko da, 20:30ean.
Baina aurretik Kopako hirugarren jardunaldia jokatu beharko dute bi taldeek. Xotak Iruntxiki taldea hartuko du Irurtzunen, apirilaren 14an, igandean, 11:00etan hasiko den partidan. Momentuz, eta Xotak eta Lacturalek partida bat gutxiago jokatuta dutela kontuan hartuta, Promesas taldea da liderra (6 puntu), eta Xota laugarren (3 puntu).