Kultur Etxea, Irurtzun
Urriaren 20an, igandea, Yarleku Teatro konpainiaren '104. haurra' antzezlanaren emanaldia izanen da, 18:00etan, Irurtzungo kultur etxean. Eva Azpilikueta aktore altsasuarra eta Laura Villanueva dira antzezleak, eta Jokin Oregin zuzendu du lana. Umezurztegi batean adoptatua izateko irrikan dagoen neskato bat da protagonista. Egoera berean dauden beste neska batzuek bezala, jantziak egiten eta josten ematen ditu egunak. Emanaldia euskaraz izanen da, eta sarrerak 3 eurotan eros daitezke, Irurtzungo Udaleko webgunean eta kultur etxean.