Asteburuan emakumezkoen lehen senior mailako hamaikagarren jardunaldia jokatu zen eta Xota taldeak Tafallan jokatu zuen, Mugica Informatica Tafa taldearen kontra. Talde irurtzundarra irabaztetik zetorren, konfiantza alde, eta nabaritu zen, 7. minuturako Naia Lizarragak eta Maite Medinak Xota 0-2 aurreratu zutelako. Gol festak aurrera jarraitu zuen Nahia Moranen ((3) eta Alazne Garcesen (2) golekin, eta partida bukaerara aldera Tafak ohorezko gola sartu zuen. 1-7 irabazita itzuli ziren etxera irurtzundarrak.
Lacturale Orvina A taldeak jarraitzen du lider (33 puntu9 eta Xota laugarren da (16 puntu). Asteburuan emakumeen lehen senior mailako hamabigarren jardunaldia dago jokoan. Xotak 12 punturekin sailkapenean bosgarren eta arerio zuzena den Gazte Berriak Antsoain taldea hartuko du abenduaren 22an, 12:00etan, Atakondoan.