Lehen senior mailako igoera faseko zortzigarren jardunaldian Berriozarren jokatu zuen Xotak, Mendialdea A taldearen kontra. Sailkapenean bigarren postuagatik borrokatzen ari zen Mendialdea, eta ez zion Xotari inolako aukerarik eman, Irurtzungo taldea 5-0 hartu baitzuen mendean.
Sailkapenean Lacturale Orvina A da liderra (24 puntu), atzetik Mendialdea A (16 puntu) duela. Xota azkenena da, zortzigarrena (4 puntu). Asteburuan igoera faseko bederatzigarren jardunaldia dago erabakitzeke. Xota Azkarrenaren kontra zen jokatzekoa, baina partida apirilaren 22ra atzeratzea erabaki dute bi taldeek.