Iratxo elkarteko mendi taldeak antolatutako XXXIV. Sakanako Ibilaldi Handia apirilaren 26an egin zen. Hura despeditzeko, elkartasun afaria antolatu zuten elkartean eta Paris 365 erakundearen aldeko jaki bilketa antolatu zuten. Bildutako jaki hori, ibilaldian sobratu zen jatekoa eta mendizale bakoitzak parte hartzeagatik egindako bi euroko ekarpena, guztia Paris 365 erakundeari eman zion Iratxo elkarteak. Erakundeko koordinatzaile Myrian Gomez-Garcia elkartean izan zen eta berak jaso zuen 5.000 euroko balioa duen txekea.