XXXIII. Irurtzungo Pilota Txapelketan lehendabiziko finalerdiak jokatu ziren ekainaren 4an, asteazkenarekin.
Bigarren mailako finalean Olasagastik (Behar Zana) eta Villanuevak (Zugarralde) finalerako txartela lortu zuten, Armaolea-Goiburu Lapkeko bikoteari 13-22 gailendu eta gero.
Lehen mailako finalerdiak ikusmin handia piztu zuten Irurtzun klubeko bikote batek, Josu Igoa eta Aaron Arbizu pilotari etxarriarrek osatutakoak, Irurtzun klubeko Iosu Bergera atzelari arruazuarra eta Azketa (Tartaloetxe) izan zituztelako aurkari. Jokoan asko zegoen, final handian egotea, eta lehia estua izan zuten bi bikoek. Azkenean, Nafarroako Lehen Mailako Binakako egungo txapeldunak, Igoa eta Arbizu, bidean geratu ziren, Azketak eta Bergerak, partida ikusgarrian, 14-22 hartu baitzituzten menpean.
Beste bikote finalistak ekainaren 9an jokatuko diren finalerdietatik aterako dira. Irurtzun klubak finalean ordezkariren bat izango du, lau bikoteetan klubeko norbait baitago. Astelehenean jakingo da nortzuk diren.
33. Irurtzungo Pilota Txapelketako finalerdiak
Ekainak 9, 19:00etan, Biaizpe pilotalekuan:
-Bigarren maila: Armendariz-Lazkoz (Irurtzun) vs Otxoa-Lizarraga (Irurtzun)
-Lehen maila: Eñ.Lizeaga-Santesteban (Mundarro-Irurtzun) vs Rekalde-Cuairan (Txumuluxueta-Irurtzun)