Musikak alaituta hasi ziren ospakizunak. Erraldoien konpartsa kalera atera zen eta bere ibilbidean geldialdi berezia egin zuen Paz Velaz agurtzeko. 105 urte beteak zituen emakumezkoak etxeko leihotik ikusi zituen erraldoien dantzak. Konpartsakideei gosari ederra eskaini zien. Orritz dantza taldearekin trukea eginda Asturiasko La Sidriña taldearen dantza emanaldia izan zen. Ohiko jubilatuendako bazkaria, mus eta postre txapelketak ere jokatu ziren. Dantzaldia izan zen ere.
