Irurtzun klubeko pilotariak ez dira gelditzen. Espainiako Kluben Arteko Txapelketan asteburuan laugarren jardunaldia jokatu zen eta Irurtzunek eta Najerinok bana berdindu zuten Errioxan. Buruz buru Najerinoko Unax Ramirezen kontra 2-1 galdu zuen Iosu Olaetxeak (8-10, 10-1 eta 5-3). Eta Binakakoan Laudioko txapela janztetik zetozen Josu Igoa eta Aaron Arbizu 0-2 gailendu ziren Najerinoko Adrian Pradoren eta David Merinoren aurrean (2-10 eta 5-10). Igandean Irurtzunek Urbion du aurkari Biaizpen (11:30).
Euskal Herriko Kluben Arteko Txapelketan, senior mailako Binakako bosgarren jardunaldian Irurtzunek Lapke izango du aurkari gaur, ostirala, Lazkaon (19:30). Ohorezko mailako Binakakoan Irurtzunek Olalde hartuko du larunbatean Bi Aizpe pilotalekuan (11:00).