Aralar kaleko 3 Bis zenbakiaren parean aparkatutako auto batek su hartu zuen. Garrek aldamenean aparkatuta zeuden beste bi ibilgailu harrapatu zituzten eta suaren ondorioz hirurak kiskalita gelditu ziren. Suak ke laino beltz handia eragin zuten, urrutitik ikusten zena. Larrialdi zerbitzuek sutearen berri 16:19an jaso zuten. Ezbeharraren lekura Cordovillako parkeko suhiltzaileak joan ziren. Segurtasun arrazoiagatik Irurtzunerako sarbideetako bat den Aralar kalea moztu zuten. Suhiltzaileek bere lana 17:30erako despeditu zuten. Ez beharrean ez zen inor kaltetu. Hala ere, badaezpada, oinarrizko bizi-euskarria duen anbulantzia bat bidali zuten. Foruzaingoa arduratu zen trafikoa bideratzeaz eta ikerketaz.
Suteak Korrikak Irurtzunen egin behar zuen ibilbidea aldatzera behartu zuen antolakuntza. Euskararen aldeko lasterketa Irurtzunera 17:43ean iristekoa zen eta AEKko kideek beste ibilbide bat inprobisatu behar izan zuten, aurrekoa baino luzexeagoa, Irurtzundarren gozamenerako.