Areto futboleko lehen mailan egoera gori-gori dago. Osasuna Magna Xota hamalaugarren da sailkapenean (24 puntu), jaitsiera postuetatik 5 puntura. Asteburuan 29. jardunaldia jokatuko da, ligako azken aurrekoa. Sailkapenean hamabosgarren den Alzirak O Parrulo hartuko du maiatzaren 8an, ostirala (20:30), eta garaipeneko 3 puntuak ez baditu lortzen, maila galdu eta jaitsi egingo litzateke. Ondorioz, Xota salbatuko litzateke. Beraz, Alziran zer gertatu, begi asko hara begira daude.
Osasuna Magna Xotak Andaluziako bidea hartu du, sailkapenean zazpigarren den Jaen Paraiso Interiorren kontra jokatzeko. Partida maiatzaren 9an jokatuko da, larunbata, 19:30ean (LaLiga+). Alzirak irabazten badu, Imanol Arregiren mutilak puntuatzera behartuta daude.
Imanol Arregi entrenatzaileak argi du derbia irabazi ondoren ezin direla erlaxatu. "Oraindik bi partida ditugu aurretik; bide beretik jarraitu beharra dugu, eta talde gisa hazten jarraitu".