Mutilen maila autonomikoan finalerdietako joaneko partida jokatu zuten Xotak eta Instalaciones Los Saucesek, Rotxapea kiroldegian. Irurtzundarrak ikusgarri aritu ziren eta 1-5 aurreratu ziren Jorge Alberto Alzamora, Imad El Ougdi (2), Andres Felipe Cadena eta Oier Amezgarai jokalariek sartutako golei esker. Los Sauces 3-5 hurbildu zen baina ilusio hutsa izan zen, Asier Astizek eta Andres Felipe Cadenak markagailua borobildu eta Xotak 3-7 irabazi baitzuen.
Lau goleko errenta du Xotak, baina areto futbolean edozer gerta daiteke eta itzuliko partidan emaitza sendotzera aterako dira irurtzundarrak. Itzuliko partida maiatzaren 22an 20:00etan jokatuko da Irurtzungo Atakondoan, eta ikusmin handia dago, kopako finala jokatzeko txartela baitago jokoan.