Irurtzungo Munduko Arrozak hamabost edizio bete ditu, eta aurten hauek izan ziren prestatutako arrozak: Ekuadorko boloi berdea, Senegalgo yebuyen, Veezuelako enpanada, Cadizko arroza, Sakana Harrera Haranaren txibiadun arroz beltza, Irurtzungo emakume taldeak prestatutako arroza, Maroko kus-kusa barazki eta oilaskoarekin, Pikuxar euskal txokoaren arroz esnea eta Atakondoa eskola publikoaren arroza barazkiekin. Guztiak prest egon zirenean, haiek dastatzeko aukera eskaini zuten.
Arroza prestatzeko errezeta bila, edo haiek dastatzera joan zirenek, osasun etxeko arkupeko zutabeetan erakusketa bat opatu zuten. Paneletan nazioarteko hainbat pertsona ezagunek arrazakeriaren inguruan esandakoak irakur zitezkeen. Bestalde, plazako zuhaitzetako enborrak Palestinako banderaren koloreak zituzten kakorratzez egindako oihalekin "jantzi" zituzten.