Nesken kadeteen kopako finala Anaitasunan jokatu zen, maiatzaren 30ean, 13:00etan. Xotak arerio gogorra zuen, Tuterako Cantera. Bi taldeek lehia bizia izan zuten. 4. minuturako Cantera aurreratu zen, baina Xotak ekinean jarraitu zuen eta June Morenok bana berdindu zuen 18. minutuan. Hortik aurrera bizi-bizi jarraitu zuen lehiak. 24. minutuan Cantera 1-2 aurreratu zen, penaltiz. Berdintzea zen irurtzundarren nahia, baina 30. minutuan hirugarren gola sartu zuen Canterak, 1-3. 42. minutuan laugarrena sartzeko parada izan zuten tuterarrek eta Xotak 1-4 galduta, kopa Tuterara joan zen.