Arakilgo eta Irurtzungo ganadu azoka ospatu zuten irailaren 12an Irurtzungo plazan. Bertako ekoizle eta arrazei eman zieten garrantzia, bertako txerriak, behiak, zaldiak, astoak, ahuntzak eta ardiak ikusgai izanda. Pottokaren haragiarekin egindako produktuak dastatzeko eta inguruko ekoizleek egindakoa erosteko aukera izan zen.
Ohi bezala, Artzain Gazta Lehiaketa Herrikoia jokatu zen. Azokan zeuden gaztak dastatu zituzten herritarrek lehen saria Unanuko Balda-Artola gaztandegiari eman zioten. Bigarren saria Gordarazko Arteta gaztandegiarendako izan zen. Eta podiuma Uharte Arakilgo Sustrai gaztandegiak osatu zuen.