2005. urtean elkartea mustu zenetik, apirila aldera egitaraua prestatzen du Aitzkozar elkarteak bere eguna ospatzeko. Aurtengoaren garaia iritsi da, bihar ospatuko du aipatu elkarteak bere eguna. 35 bazkide inguru dira egun elkartean, baina ospakizunetan ez dira bakarrik egonen. Izan ere, Sakanako elkarte guztiak gonbidatu baitituzte, pertsonalki edota elkarte bezala parte har dezaten.Aurreko urteetan bezala, egunari esanahi berezi bat gehitu nahi izaten diote elkartekideek. Hala, aurtengo Aitzkozar elkartearen eguna "Euskal Herriko nazio eraikuntzaren edozein arlotan lan egin eta egiten dutenen aldeko pertsonak, giza-talde eta elkarteen ohorez" ospatuko dute. Hori dela eta, elkarteak izena hartzen duen herriko dermioko tokian Imanol Arrieta eskultoreak egindako oroigarria jarriko dute. Egitaraua10:00etan Beheko basoko, Aitzkozar aldera irteera.11:00etan Euskal Herriko nazio eraikuntzaren alde diharduten giza talde, elkarte eta pertsonen ohorezko monolitoaren mustutzea.13:30ean Elkartean auzatea. Altsasuko kale kantu taldea. Haurrentzako kilikilak eta japoniar bonbak.15:00etan Bazkaria. Arratsalde osoan, triki-martxa, Askondoko Xabierrekin.20:00etan Auzate, menduafaia24:00etaraino Musika dantza Lakuntzako dj batekin.