Iturmendiko Gazte Asanbladak (IGA) bere irratiaren 10. urteurrena ospatzeko antolatutako bigarren asteburua da honakoa. Aurreko ostiralean eman zioten hasiera IGAkoek Eztanda Irratiaren 10. urteurren ospakizunei. Triki-manifan herriari buelta eman zioten gazteek, zurrakapotea banatzen zuten bitartean. Aitzkozar elkartean 50 bat pertsona bildu ziren afaltzera eta Mantxi eta Beñat Iguaran bertsolarien saioarekin gozatzera. DJ Sergeiren doinuak gaualdia luzatu zuten. Festetan, inauterietan eta ospatzeko zerbait dagoenean ateratzeko asmoz hasi dira IGAkoak buruhandiak egiten. Dagoeneko egitura egina dute eta asteburuan haiei itxura ematen jarraituko dute. Azaroak 7, larunbata09:30ean Furgo-bira, musikarekin, herrian zehar eta auzatea. 11:00etan Altxorraren bila. 14:30ean Bazkaria Aritzaga elkartean.17:30ean Txerrikumearen ehiza, taldeka.Azaroak 8, domeka11:30ean Buruhandiak egin.