Nafarroako Gobernuko Gizarte Politikako kontseilari Iñigo Allik Espainiako Irristaketa Abiadura Txapelketetan, Espainiako Irristaketa Artistikoko Txapelketetan parte hartu duten 18 irristalari nafarrei harrera egin zien astelehen arratsaldean Nafarroako Jauregiko Tronuko Gelan. Aipatu txirrindulari hauetako 5 berriki jokatu diren Europako eta Munduko Irristaketa Abiadura Txapelketetan aritu dira, eta urrezko 2 domina, zilarrezko 5 eta brontzeko 4 ekarri dituzte. Tartean dago Ioseba Fernandez Fernandez irristalaria. Iturmendiarrak Europako Txapelketatik bi urrezko domina, zilarrezko bat eta bi brontzezko ekarri zituen, eta Munduko txapelketetatik zilarrezko domina zirkuituko 200 metroko erlojupekoan eta brontzezkoa pistako 300 metroko erlojupekoan. Ekitaldian Amaya Sport, Berriro Ere, Amaya, Lagunak, Larre, San Juan eta Txantrea irristaketa klubeko arduradunak izan ziren, Espainiako Irristaketa Federazioko presidente Carmelo Paniagua, Nafarroako Irristaketa Federazioko presidente Peio Ilundain eta beste hainbat kirol ordezkarirekin batera. Iñigo Alli kontseilariak irristalariak zoriondu zituen eta adierazi zuen "jarraitu beharreko eredua" direla, "lortzen ari zareten guztiarengatik".