San Juan 2017

Loteak, sua eta afaria

Ilargi aldiak joan den urtean aurreratzea eskatu zuen, baina aurten, bai, udako solstizioarekin batera,  Iturmendiko Udalak etxetarako egur loteak banatuko ditu. Egiteko hori 19:30 aldera izanen da. 21:30ean sua piztuko da Arrano Beltza plazan. Haren gainetik saltoka ariko dira haur, gazte eta helduak. Gosea egin arte. Plazan bertan herri-afaria izanen da. 90en bat elkartu ziren joan den urtean. Txikienendako izozkiak banatuko dituzte ere.