Kadete mailako txirrindulariak etxean lehiatuko dira atzera ere. Ostiralean, uztailak 16, Burunda Txirrindularitza Taldeak antolatutako II. Iturmendi Saria izanen dute jokoan, 61 kilometroko proba. Lasterketa Etxarri Aranatz eta Ziordia artean jokatuko da. Lehenik eta behin, Etxarri Aranatzera joko dute, buelta hartu eta Iturmendiraino heltzeko. Beste bitan egingo dute bide berbera, eta segidan Ziordiraino joko dute, buelta hartu eta Altsasutik Altamira igotzeko. Altamiratik Olaztira jaitsi eta gero, Iturmendiko helmugaraino iritsiko da tropela, lasterketa jokatzeko. Jakina, Burunda eta Aralar klubeko Quesos Albeniz eta Sakana Group taldeek hartuko dute parte bertan.