Iturmendiko Udalak enkante publikoa eginen du, gutun-azal itxien bidez, baso-aprobetxamendu bat saltzeko. Udalak saldu nahi duen baso-aprobetxamenduak hiru lote ditu. Aurrenekoa 1.604 pagok osatzen dute eta Berreona, Berreonako zulo, Txorierreka eta Argiñaroz dermioetan dago. Guztira, 676,6 m³ zur dira, eta 1719,5 m³ enbor txiki. Udalak 43.280,78 euro (BEZik gabe) eskatzen ditu.
Bigarren lotea ere pagoz osatuta dago, 1.757 zuhaitz zehazki. Maugiaburu, Pagozabal eta Iradi dermioetan dago lote hori. Guztira, 1202,4 m³ zur dira, eta 2145,8 m³ enbor txiki. Prezioa 87.237 eurokoa (BEZik gabe) da. Hirugarren lotea 5.573 pagoz osatuta dago, honako dermioetan dago: Bargea, Galtzagata, Nartonta, Malkorrazpia, Malkorra, Angiturrieta eta Tufazuri. Guztira 1701,85 m³ enbor txiki da. Udalak 8.508,82 euro (BEZik gabe) eskatzen ditu.