Hainbat iturmendiarrek larunbatean beheko basorako bidea hartu zuten. Egiteko bakarra zuten pago zuzen-zuzen bat aukeratzea. Egokia zen bat aukeratu ondoren, moztu eta azala kendu zioten guztien artean. Txuri-txuri utzi zuten basoan. 18 metroko luzera du. Eta altuera handiagoa hartuko du puntan lizarren bat jarriko diotelako. Moztutako zuhaitz hori izanen da maiatzaren 1eko 18:00etan Iturmendiko plazan zutituko duten maiatza. Kintoek egitekoan laguntzen dute, maiatza kendu ondoren pagoaren salmentako dirua haiendako baita.